q La lenga e son ensenhament son pas del domeni privat de la consiència de 1’individu, o en tot cas pas solament.
Concernisson la societat tota. La lenga e son ensenhament devon pas èsser pas acantonats dins aquel domeni privat.
Es per aquò que sèm per una definicion estatutària de las Calandretas dins l'encastre del servici public.

q Pasmens, aquesta definicion estatutària deu prene en compte las particularitats de las Calandretas que s'i devon retrobar.
Calandreta es l’associacion de quatre paramètres tant importants los unes coma los autres:

• la volontat d'ensenhar dins la lenga per l'aprene ambe lo metòde del banh de lenga, d'ora e de longa.
• de metòdes de pedagogia activa e ennovanta que los efectius impausats pel bilingüisme rendon possibles.
• un envolzament e una partipacion actius e fòrts dels pairents que pòrtan l'escòla. L'associacion dels pairents a un ròtle fondamental.
• una participacion de las collectivitats, e mai que mai de las regions e departaments, per sa cultura especifica.

Una lei serà doncas necessària : formalisarià un partenariat vertadièr que nos garde l'autonomia del foncionament.

q Nos cal soscar a una virada juridica de la Gestion Mixta, e a una reparticion dels ròtles, per farzar una ofèrta institucionala als poders, amai se las condicions politicas d'una lei atal semblan pas encara recampadas, e se'n manca.

q Per ara nòstre situacion estatutària es una empacha al bon anar de las escòlas e de lor espandiment.