l'ISLRF, qu'es aquò?
Las federacions de las escòlas Bascas que se dison SEASKA, las Bretonas que se sonan DIWAN, las de Catalonha-nord de La BRESSOLA, s'amassèron a la seguida d'una prepausicion de CALANDRETA, e, totas amassa, alestiguèron "l'Institut Supérieur des Langues de la République Française". Aquò se faguèt en setembre de 1996. Aquel Institut es lo Centre de formacion et de cerca qu’an en comun.
Cada federacion d’escòla a una antenòla de 1'I.S.L.R.F.
dins sa region, qu'es un Centre de Formacion en lenga sèuna.
Cap de lòc existissiá pas en França per estudiar la pedagogia del bilinguisme del mainatge. Tanpauc existissiá pas en França de vertadièra formacion de Regents bilingües.
La dubertura de L'Institut Supérieur des Langues de la République Française foguèt una responsa unitària al besonh.
La mesa en comun de la formacion iniciala :
L'I.S.L.R.F. prepara de candidats a las espròvas del concors
de professors de las escòlas bilingüas en lengas regionalas.
Los que capitaràn las espròvas faràn de professors
d'escòla a CALANDRETA, a DIWAN, a LA BRESSOLA, a SEASKA e tanben,
ara, a A.B.C.M.
Un luòc d'escambis e de cerca comun :
L'Institut comun es a l'encàp un espaci pels escambis pedagogics
e didactics entre las escòlas aderentas.
L'I.S.L.R.F aurà per mission d'afavorisar la cerca e la mesa
en comun dels sabers e de las experiénças per enriquesir
l'accion pedagogica dins las escòlas.
Organisarà de collòquis, de conferencias e d' encontres
amb los experts, los universitaris e los cercaires. Subre tot que, ja,
n'i a qu'an començat de venir presentar l'aviament de lor òbra.