Eras escòlas Calandretas que son escòlas associativas, laícas,a gratís e associadas ar'Educacion Nacionala (lei 1959), lei d'especificitat d'establiment escolaris. Desempuish era vajuda dera prumera escòla a Pau, eras Calandretas que son tostemps estadas arreconegudas per'Educacion Nacionala.

Totas eras escòlas Calandretas que fonccionan dab eth sostien d'ua associacion de basa :

> Totas eras escòlas Calandretas que fonccionan dab eth sosteng d'ua associacion de basa : er'Associacion Calandreta. Totas eras familhas de qui escolarisan eths loés mainats a Calandreta que son membres der'associacion. Ad'aquestes principaus associatius, que pòden ligar-se d'autas personas de qui n'an pas eths loés mainats a Calandreta, més, de qui sostenguen aquestas escòlas.

Entaras familhas de calandrons (mainats escolarisats a Calandreta) er'adesion qu'ei trimestriau (trimèstres escolars) : qu'ei de 22 €.
Entaths membres de qui sostenguen eth moviment, er'adesion qu'ei annuau : qu'ei de 22 €.

> Er'Associacion Calandreta qu'ei gerada per un conselh d'administracion (format essenciaument de parents d'eslhèves) e d'un burèu.

> Er'Associacion Calandreta, associacion de basa, qu'ei ACTIVA. Qu'efectua eras desmarchas administrativas qui hèn nacèra entà aver un bon fonccionar der'escòla :
- dab era comuna (atribucion de locaus, botar en conformitat eths locaus, moneda der'escòla…).

- dab eth Conselh Generau (atribucion de subvencions qui ajudan ath fonccionar der'escòla…).

- eras Federacions Despartamentaus, Regionaus e era Confederacion deras Calandretas

- autes organismes.

> Er'Associacion Calandreta qu'emplega eras personas non-arregentas qui tribalhan en'escòla (ASEM, animators, estruçaires…).

> Er'Associacion Calandreta qu'endralha un autofinançament en solicitar eths parents :
- d'ua part, en amiar ua participacion financiara dirècta entà auherir aths mainats ua qualitat d'activitats educativas (intervenaires exteriors, sortidas…) en eth temps escolari,
- d'auta part, en organisar animacions (lotòs, bals , vueita-solèrs…) entà ajudar ath fonccinar der'escòla.

Arcuelh